बेलायती रक्षा मन्त्रालय अगाडि गोर्खाहरुको नाराबाजी धर्मराज अधिकारीलण्डन । बेलायती सेनामा रहेका पुर्व गोर्खा आर्मीहरुले बेलायती
रक्षा मन्त्रालय अगाडि केहिबेर नारावाजी गरेका छन । गोर्खाहरुको माग सम्बोधन गर्न मिनिष्टि्र अफ डिफेन्स (एमओडी) ले आलटाल गरेको बताउंदै उनीहरुले मन्त्रालय अगाडि धर्ना सहित नारावाजी गरेका हुन । बबी वासन मानवअधिकार गोर्खा प्रोजेक्टले बुधबार आयोजना गरेको धर्नामा बेलायतभरीबाट पुर्व गोर्खाहरुको बाक्लो सहभागिता रहेको थियो । धर्नापछि सहभागिहरुले आफ्नो मागलार्इ अभ जोडतोडका साथ अघि बढाउन बेलायती उच्च सांसदका लर्ड नजीर अहमदलाइ ज्ञापन पत्र समेत बुझाए ।ज्ञापनपत्र बु्दै लर्ड अहमदले यसलाइ बुधबार नै प्रधानमन्त्रीसमक्ष पुर्याउने बताए । उनले गोर्खाहरुलाइ दिइएको असमान पेन्सन र विभाजित परिवारबाट आफुलाइपनि दुख लागेको जानकारी दिए । गोर्खाहरुलाइ समान पेन्सन दिंदा बेलायतलार्इ ठुलो आर्थिक भार नपने बताउंदै अहमदले यसबाट हेल्थ, एजुकेशन, लगयात अन्य सामाजिक सेवाका खर्चहरु कटौती हुने विश्वास लिए ।सहभागि पुर्व गोर्खाहरुलाइ सम्बोधन गर्दै प्रोजेक्टका अध्यक्ष हर्कबहादुर थापा मगरले गोर्खालीहरुले २०० बर्ष अघिदेखि बेलायतीको लागि खुन पसिना बगाएको स्मरण्ा गरे । गोर्खालीका नाममा खुलेका अन्य संस्थाहरुको कुनै आश नभएको बताउंदै उनले मानवअिधकार माफत यो देशको शाशकलाइ झक्भmक्याउने प्रयास गरीएको बताए । एउटै कसम खाएर भर्ति भएका गोर्खालीहरुलाइ तिन भागमा बांडेर एमओडीले ठगको ब्यबहार गरेको उनले आरेप लगाए । अध्यक्ष मगरले गोर्खाहरुमा पनि भुक, ढुक, सुक, लुक र रुक बहादुर रहेकोले आन्दोलन शसत्त पार्न केहि कठिनाइ भएको बताए ।आन्दोलनकी अगुवा एवं मानवअिधकार कर्मी बबी वासनले आन्दोलनको अर्को चरण गर्न परे आफुहरु बृहत भोक हड्ताल गर्न बाध्य हुने बताइन । आन्दोलनको क्रममा मर्न परे पनि गोर्खाहरुसंगै मर्न तयार रहेको बताउंदै उनले अधिकार दिलाएरै छाड्ने बचन बद्धता व्यत्त गरीन । एमओडीको भनार्इ सत्य नभएको बताउंदै वासनले एमओडीले गोर्खाहरुलाइ भेटी उनीहरुको वास्तविकता बुझ्नुपर्नेमा जोड दिइन ।यसअघि सो प्रोजेक्टले प्रधानमन्त्री डेभिड क्यामरुनलाइ आफ्नो माग सहितको ज्ञापनपत्र बुझाइसकेको छ । सो ज्ञापनपत्रमा गोर्खाहरुलाइ बेलायत बसोबासको अधिकार, समान पेन्सन र १८ बर्ष माथि पुगेका छोराछोरहिरुलाइ बेलायत ल्याउन पाउनुपने जनाइएको थियो । प्रधानमन्त्री क्यामरुनले गोर्खाहरुको मागबारे एमओडीको ध्यानाकर्षण गराइसकेका छन । यद्यपी एमओडीले गोर्खाहरुलाइ १९९७ को त्रिपक्षीय सन्धि अनुरुप नै व्यवहार भएको बताउंदै गोर्खा मुद्यालार्इ ओभेलमा पार्न खोजेको उनीहरुले आरोप लगाएका छन ।सो अवसरमा लर्ड अहमद र वासनको भनाइलाइ गंगा आलेले दोभासेको रुपमा पुर्व गोर्खाहरु समक्ष पुर्याएकी थिइन ।लर्ड अहमदलाइ ज्ञापनपत्र बुझाउन अध्यक्ष थापा मगर, अधिकार कर्मी वासन, कृष्ण आले, भुवन गुरुङ, जगदीश गुरुङ, हिम बहादुर गुरुङ, रेवत थापा मगर, भत्त बहादुर गुरुङ, दिल बहादुर थापा एमएम, सुनार गुरुङ, खड्ग गुरुङ, चत्र बहादुर राना, गंगा आले, योग बहादुर गुरुङ, दुर्गा राना लगायतको सहभागिता रहेको थियो । सधैं आफ्नै कार्यकक्षमा भेट गर्दै आएका लर्ड गोर्खालीको ज्ञापन पत्र बुभ्न आफैं संसद भवन अगाडि आएका थिए । लर्डसंगको भेटपछि सहभागिहरुले एकछिन नाचगान गर्दै रमाइलो मनाएका थिए ।
