आज बालश्रम विरुद्धको अन्तराष्टि्य दिवस, नेपाल लगायत विश्वभर विभिन्न कार्यक्रम गरी मनाइदै ।
आज जुन १२ तारिख अथार्त बालश्रमविरुद्धको अन्तराष्टि्य दिवस । नेपाल लगायत विश्वभर विभिन्न कार्यक्रम गरी मनाइदैछ । बालबालिका तथा महिलाका क्षेत्रमा काम गरिरहेका विभिन्न सरकारी तथा गैरसरकारी संघसंस्थाले आज बालश्रमविरुद्धका विषयमा विभिन्न चेतनामुलक कार्यक्रमको आयोजना गरेका छन् । महिला बालबालिका मन्त्रालयको अगुवाइमा काठमाडौ बसन्तपुरबाट बालश्रम बिरुद्धको र्याली निकालिएको छ । र्याली बसन्तपूर, न्यूरोड, रत्नपार्क हुदै भृकुटी मण्डपमा पुगेर कोणसभामा परिणत भएको थियो । विश्वमा मानव अधिकार र सामजिक न्याय, बाल श्रमको अन्त्य गरौ भन्ने नाराका साथ एघारौं बालश्रम बिरुद्ध बिश्व दिवस मनाइदैछ । नेपालमा एक लाख २७ हजार बालबालिका बालश्रममा लागेको विभिन्न तथ्यांकले देखाएको छ । बालश्रम बिरुद्ध विश्व दिवस सन् २००२ देखि मनाउन सुरु गरिएको हो ।
