राष्टि्रय मधेश समाजवादी पार्टीका अध्यक्ष शरत्सिंह भण्डारीले राष्टि्रय सहमतिको वातावरण तयार पार्ने जिम्मा एकीकृत नेकपा माओवादीको भएको धारणा राख्नुभएको छ ।
ललितपुरमा आज पार्टीको भातृ संगठन 'राष्टि्रय विद्यार्थी संघ समाजवादी'को स्थापना समारोहमा अध्यक्ष भण्डारीले सरकारको नेतृत्व गरेको पार्टीले नै राष्टि्रय सहमतिको वातावरण तयार पार्नु पर्ने धारणा राख्नुभयो । उहाले कांग्रेसले संघीयताको विषयमा स्पष्ट धारणा ल्याए मात्र उसको नेतृत्वको सरकार स्वीकार्न सकिने स्पष्ट पार्नुभयो । अध्यक्ष भण्डारीले एकीकृत नेकपा माओवादीले अधिनायकवाद लाद्न खोजेको भन्ने अन्य दलको आरोप गलत सावित गर्न पनि माओवादी जिम्मेवार हुन पर्ने धारणा राख्नुभयो । उहाले प्रमुख तीन दलकै कारण संघीयतासहितको नया संविधान आउन नसकेको पनि आरोप लगाउनुभयो । स्थापना समारोहमा विभिन्न २२ जिल्लाका एक सय ५० जना विद्यार्थी सहभागी थिए ।
