नेकपा एमालेका पूर्वसभासद्हरूले दलहरू सक्षम नेतृत्व गर्न चुकेकाले संविधानसभा विघटन भएको टिप्पणी गरेका छन् ।
नेकपा एमालेका पूर्वसभासद्हरूले दलहरू सक्षम नेतृत्व गर्न चुकेकाले संविधानसभा विघटन भएको टिप्पणी गरेका छन् । संविधानसभाको चार वर्षो समीक्षा कार्यदलले आज पार्टी मुख्यालय बल्खुमा पूर्वसभासद्हरूसग गरेको छलफलमा उनीहरूले दलका नेतृत्वले बाहिरी प्रभाव रोक्न नसकेकै कारण संविधानसभा आफ्नो जिम्मेवारी पूरै नगरी भंग भएको बताएका हुन् । एमाले पूर्वसभासद्हरूले पार्टीको तफबाट जारी गरिने श्वेतपत्रको कार्यदिशाबारे स्पष्ट पार्न पनि पार्टी नेतृत्वलाई आग्रह गरेका छन् । उनीहरूले संविधानसभाको चारवर्षो कार्यकाल असफल भएको हो अथवा १२ बुंदेदेखिको राजनीति नै असफल भएको भन्ने विषय श्वेतपत्रमा उल्लेख गर्नसमेत माग गरेका छन् । कार्यदलले पूर्वसभासद्हरूलाई विघटित संविधानसभासम्बन्धी २८ प्रश्नावलीको जवाफ भर्न लगाइ यो महिनाभित्र श्वेतपत्र जारी गर्नेछ । एमालेले विघटित संविधानसभामा भएका कामको समीक्षा गरी पार्टीको तफबाट श्वेतपत्र जारी गर्न सचिव शंकर पोखरेलको संयोजकत्वमा १५ सदस्यीय कार्यदल गठन गरेको थियो ।
