लण्डन । बेलायतस्थित नेपाली महिलाहरुको संस्था ‘मिसेस टिम’ले तिजको अवसरमा तिज विशेष कार्यक्रम आयोजना गयो ।
शनिबार प्लमस्टेडमा आयोजना गरीएको सो कार्यक्रममा सहभागी दर्जनौं महिलाहरुले तिज दर खाई आपसमा रमाइलो नाचगान गरेका थिए ।कार्यक्रममा एनआरएनए महिला संयोजक संगिता मरहठ्ठाले परापुर्वक कालदेखि चलीआएको पर्व तिज बेलायतमा पनि मनाउन पाएकोमा खुशी व्यक्त गरीन । अविवाहित महिलाले मनले खाएको पति पाउन तथा विवाहिताले पतिको दिर्घायु तथा सुस्वास्थ्यको कामना गर्दै तिजमा ब्रत बस्ने चलन रहेको उनले सुनाइन । । नेपाली संस्कृतिप्रतिको आस्थाकै कारणले नेपाली महिलाहरुले अंग्रेजको देशमा पनि नेपाली संस्कृतिको जगेर्ना गरेकोमा उनले प्रसन्नता व्यक्त गरीन । गैरआवासीय नेपाली संघ ६२ देश विस्तार भएको र यसमध्य ३२ देशमा महिला विभाग गठन भएको उनले जानकारी गराइन । सुस्मिता गुरुङद्धारा सञ्चालन भएको सो कार्यक्रममा मिसेस टिमकी मिना गुरुङले तिज सफल पार्न सहभागी भएकाहरुप्रति आभार प्रकट गरीन । उनले मिसेस टिमले लेडिज नाइट र तिज कार्यक्रम सञ्चालन गर्दै आएको र यसलाई अझै निरन्तरा दिने बताइन । साहित्यकार झमक घिमिरेलाई सहयोग गर्न आग्रह गर्दै उनले नेपाली साहित्यको विकास घिमिरेको योगदान चर्चा गरेकी थिइन । सो अवसरमा घिमिरेको सहयोगका लािग करीब २ सय पाउण्ड संकलन समेत भएको थियो । कार्यक्रममा तिज गितहरु चिटिक्कै भा छु रे, तिजको रहर आयो बरीलै, किनेर ल्याइदिने कोइ छैन, फर्केर आउंदैन बैंशालु उमेर, लगायतका गितमा नृत्य प्रश्तुत गरेका थिए । सांझबाटै शुरु तिज कार्यक्रममा रात छिप्पिदै गएपछि सहभागी महिलाहरुले रिमिक्स गितमा समेत नृत्य देखाए ।
