International News
बेलायतस्थित नेपाली चिकित्सकहरुको २७ औ बाषिक भेला आइतबार न्यु क्यासलमा सम्पन्न भएको छ ।
चिकित्सकहरुको भेलामा सम्बोधन गर्दै बेलायतका लागि नेपाली राजदुत डा. शुरेसचन्द्र चालीसेले चिकित्सकहरु बेलायत र नेपालका लागि रणनीतिक सम्पदा भएको बताए । बेलायतमा सिकेका अनुभव नेपालमा सार्न उत्प्रेरीत गर्दै डा चालीसेले देशका लागि योगदान दिन चिकित्सकहरुलार्इ आग्रह गरे । अध्यक्ष डा. भरतराज श्रेष्ठको अध्यक्षतामा सम्पन्न भेलामा नेपालमा मृगौला प्रत्यारोपण केन्द्र स्थापनाका लागि सहयोग गरेका डा डेभिड रिक्स, डा सिरी गौतम, डा. अनिता नेपाली, कैलासचन्द्र कर्ण लगायतले मन्तव्य दिएका थिए । चिकित्सक भेलामा समाजसेवी महन्त श्रेष्ठ तथा पुष्प श्रेष्ठ लगायतको पनि सहभागिता रहेको थियो ।
