राष्ट्रसंघीय शान्ति मिसन अनमिनको म्याद थपिन अब एक महिनामात्र बाँकी रहेको बेला यसको म्याद थप्ने वा नथप्ने बारेमा नेपालका दलहरुबीच विवाद कायम रहेको छ । विवादकै बीचमा अनमिनको म्याद थपका बारेमा अनमिन प्रमुख करिन ल्याण्डग्रेनले प्रमुख दलका नेताहरुसँग छलफल गर्नुभएको छ । अनमिनको म्याद आगामी सेप्टेम्बर १७ तारिखदेखि सकिदैछ ।

माओवादी नेताहरुसँगको भेटमा म्याद थप्ने कुरा भए पनि कांग्रेस र एमालेका नेताहरुले ठोस जवाफ नदिएको अनमिन प्रमुख करिन ल्याण्डग्रेनले बताउनुभयो । भेटमा सहभागी माओवादी नेता  वर्षमान
 पुनले शान्ति प्रकृयाका लागि अनमिनको आवश्यकता रहेको वताउनुभयो । कांग्रेस नेता रामशरण महतले अरु पार्टीसंगको छलफलपछि सरकारले यसवारेमा निर्णय गर्ने वताउनुभयो । एमालेका तर्फवाट इश्वर पोखरेलले छलफलमा भाग लिनुभएको थियो ।