अमेरिकामा आयोजित कार्यक्रममा पूर्व सेनापति कटवाल

उषा भट्ट, भर्जिनिया । नेपाली सेनाको इतिहासकै सबैभन्दा बढी विवादास्पद अवकाश प्राप्त प्रधान सेनापति रुक्माङ्गत कटवालले मुलुकमा जारी संघीयता र राज्य पुनःसंरचना प्रक्रियाका बारे आफ्नो तीव्र असन्तुष्टी व्यक्त गर्नुभएको छ । संघीयताका कारण देश टुक्रन सक्छ भन्दै कटवालले राजनीतिक दलहरुको भूमिकाप्रति पनि असन्तुष्टी जाहेर गर्नुभएको छ । नीजि भ्रमणका क्रममा अमेरिकामा रहेका कटवालले यही जुन ६ तारिख आइतवार यहाँ आयोजित एक कार्यक्रममा यस्तो असन्तुष्टी व्यक्त गर्नुभएको हो ।

नेपाल अमेरिका पत्रकार संघले आयोजना गरेको कार्यक्रममा उहाँले प्रजातन्त्रको दह्रो पहरेदार भन्दै सञ्चारकर्मीहरुको भूमिकालाई भने खुलेर प्रशंसा गर्नुभएको थियो ।  संघका अध्यक्ष नगेन्द्र पौडेलको सभापतित्वमा सम्पन्न कार्यक्रममा कडा रुपमा प्रस्तुत हुनुभएका कटुवालले आफ्नो भनाईको आरम्भमै आफू स्पष्टीकरण दिन आएको होइन भन्नुभएको थियो । विभिन्न क्षेत्रका नेपालीहरुको बाक्लै सहभागिता रहेको कार्यक्रममा जनरल कटवालले आफ्नो कार्यकालमा भएका सबै विवादास्पद निर्ण्र्ाारुको बचाउ गर्नुभएको थियो । सेना मात्र मुलुकको एक मात्र संगठित संरचना भएको संस्था भएकोले यसलाई नियम कानुन मिचेर चलाउन मिल्दैन भनेर आफूले अडान लिएको भन्दै उहाँले भन्नुभयो 'सेना मात्र यस्तो शक्ति हो जसले सिंगो देश जोगाएको छ । '