नेपाली कांग्रेसको बैठकमा नेताहरुःरमेश सुवेदी

नेपाली कांग्रेसले सहमति भएपछिमात्र प्रधानमन्त्रीले राजिनामा दिने निर्णय गरेको छ । कांग्रेस संसदीय दलको आइतवारको बैठकले शुरुमै प्रधानमन्त्रीले राजिनामा दिदा शान्ति प्रक्रिया र संविधान लेखनका अरु विषय ओझेलमा पर्ने भन्दै माओवादीलाई चाँडो सहमतिमा आउन आग्रह गरेको छ । सिंहदरवारस्थित कांग्रेस ससदीय दलको कार्यालयमा भएको बैठकमा नेताहरुले माओवादीसँग भएका सहमतिको बारेमा सभासदहरुलाई जानकारी गराएका थिए । प्याकेजमै सबै विषयमा समाधान भएपछिमात्र प्रधानमन्त्रीले राजिनामा दिने कांग्रेस संसदीय दलका नेता रामचन्द्र पौडेलले बताउनुभयो ।

तीन दलबीच भएको सम्झौताको पालना गर्दै माओवादीसँग प्याकेज सहमति गर्नुपर्नेमा बैठकले जोड दिएको छ । केही सभासदहरुले भनें अबको सरकारको नेतृत्व कांग्रेसले गर्नुपर्ने माग राखेका थिए ।