सहकर्मीबाट बलात्कृत महिला प्रहरी सुन्तली धामी पीडा पोख्दै

अछाम जिल्ला प्रहरी कार्यालयभित्रै आफ्नै सहकर्मीहरुबाट बलात्कृत भएकी प्रहरी हवल्दार सुन्तली धामी मंगलवार पहिलो पटक र्सार्वजनिक भएकी छिन् । दशैंको नवमीका दिन बलात्कृत भएकी भनिएका सुन्तली धामी संसदको महिला, बालबालिका र समाजकल्याण समितिमा र्सार्वजनिक भएकी हुन् । समितिको मंगलवारको बैठकमा पीडित महिला प्रहरी धामी र उनको पक्षमा वकालत गरेपछि सरुवा भएकी प्रहरी नायव महानिरीक्षक डिआइजी पार्वती थापा मगरले अछाम बलात्कार घटनाको जानकारी गराएका हुन् ।

 सभासदहरु समक्ष आफू बलात्कृत हुँदाको घटना सुनाउँदै सन्तुलीले आफूलाई चरेश मिसाइएको मासु खुवाएर ३ जना प्रहरीले सामुहिक बलात्कार गरेको बताएकी थिइन् । आफूमाथि भएको सामूहिक बलात्कारका दोषीलाइ प्रहरी अधिकृतहरुले नै संरक्षण दिएको सुन्तलीको आरोप थियो । घटनाका बारेमा जानकारी गराउंदा जिल्ला प्रमुख ढकवहादुर थापाले उल्टो आफैंलाइ कारवाही गर्ने धम्की दिएको सुन्तलीले समिति समक्ष बताएकी छिन् । बयान दिदा दिदै रुन थालेकी सुन्तलीले दोषीमाथि हदैसम्मको कारवाही नभएमा आफूमाथि न्याय नहुने बताइन् । सो बैठकमा स्पष्टिकरण दिनुहुंदै प्रहरी नायब महानिरीक्षक पार्वती थापा मगरले आरोपित ६ जना विरुद्ध मुद्दा दर्ता गरिएको भन्नुभयो । प्रहरीको कारवाही पछि उनीहरुको स्वत निलम्बन भएको उहांले जानकारी दिनुभयो ।