राष्ट्रपतिलाई बधाइ दिदै प्रचण्ड र बाबुरामः फाइल तस्वीर

राष्ट्रपति रामवरण यादवले जोरजबर्जस्तीले मुलुक नचल्ने बताउँदै हतियार र जबर्जस्तीलाई कुनै पनि ठाउँ छैन भन्नुभएको छ । उहाँले समुन्नत राष्ट्र निर्माणका लागि बलजफ्ती होइन सभ्य संस्कार आवश्यक रहेको बताउनुभएको छ । झापाको अनारमनी गाविसमा निर्मित मेची आँखा अस्पतालको उद्घाटन गर्दै राष्ट्रपति यादवले आफूले संविधनको उल्लंघन नगरेको दावी गर्नुभयो ।

  उहाँले आफूले हिजो पनि संबिधान मानेको, आज पनि मानिरहेको र भोलि पनि मान्ने बताउनुभयो । माओवादीले आफ्नो विरोधमा सडक आन्दोलन गरिरहेका बेला राष्ट्रपतिले सदनबाट सबै समस्याको समाधान खोज्न दलहरुलाई सुझाव दिनुभयो । राष्ट्रपति आउने थाहा पाएर माओवादीले झापा बन्द आव्हान गरेपनि उहाँ हेलिकोप्टरबाट कार्यक्रमस्थल पुग्नुभएको थियो ।