सुचना तथा सञ्चारमन्त्री शंकर पोखरेलले राष्ट्रियता र स्वाधीनताको पक्षमा सञ्चार माध्यमहरु संवेदनशील नभएको बताउनुभएको छ ।

मन्त्री पोखरेलले सञ्चारकर्मीले समेत मुलुकको आन्तरीक हितका विषयमा समाचार संप्रेषण गर्न अग्रसर नभएको टिप्पणी गर्नुभयो । राजधानीमा शनिबार एक कार्यक्रममा बोल्दै मन्त्री पोखरेलले सञ्चारकर्मीहरुले अनुमानको भरमा राजनीतिक समाचारलाई मात्र प्राथमिकतामा दिएर अन्य क्षेत्रका घटनाहरु छायामा परेको आरोप लगाउनुभयो ।
नेपाल पत्रकार महासंघका सचिव रामजी दाहालले सरकारले सञ्चारकर्मीहरुमाथी आक्रमण गर्नेहरुलाई कारवाही गर्न नसकेको बताउँदै आक्रमणकारीलाई कारवाही नभएर दण्डहिनता बढेको उल्लेख गर्नुभयो ।