एकीकृत नेकपा माओवादीका अध्यक्ष पुष्पकमल दाहाल प्रचण्डले नागरिक सर्वोच्चतासम्बन्धी विषयमा भारतसंग निर्ण्ाायक वार्ता गर्नु पर्ने आवश्यकता औल्याउनु भएको छ ।

माओवादीको तीन दिने आम हडतालको अन्तिम दिन मंगलबार आयोजित आमसभालाई सम्बोधन गर्दै नयाँ बानेश्वरमा अध्यक्ष प्रचण्डले यस्तो बताउनु भयो । नागरिक सर्वोच्चताको सवाल राष्ट्रिय स्वाधीनताको लर्डाईसंग गाँसिन पुगेको बताउँदै माओवादी अध्यक्ष प्रचण्डले एमाले र कांग्रेसका नेताहरुसंगको वार्ताबाट कुनै निष्कर्षनिस्कने भएकाले अबको वार्ता भारतसंग गर्न तयार रहेको बताउनु भयो ।
भारत भ्रमणमा गएका प्रधानसेनापति छत्रमान सिंह गुरुंगलाई भारतका थल सेना अध्यक्ष दिपक कपूरले माओवादी सेना समायोजन गर्न नहुने भनाई राष्ट्रिय स्वाधिनताको विरुद्ध भएको अध्यक्ष प्रचण्डले जिकिर गर्नु भयो । जसरी पहिले राजा महाराजा एमाले र कांग्रेसका मालिक हुने गरेको भन्दै अध्यक्ष प्रचण्डले नागरिक सर्वोच्चताको आन्दोलनको क्रममा भारत मालिक बन्न पुगेकोले माओवादीले भारतसंग वार्ता गर्नु पर्ने अवस्था आएको बताउनु भयो ।
भारत र नेपालबीचको व्यापार घाटा ठूलो रहेकोले त्यसलाई कम गर्न भारत चीन र नेपालबीच व्यपार घाटा कम गराउन संयन्त्र बनाउनु पर्ने अध्यक्ष प्रचण्डको तर्क छ । अध्यक्ष प्रचण्डले शान्ति सम्झौता चलिरहँदा र माओवादी शान्ति प्रक्रियामा रहिरहेकाबेला भारतबाट अर्बौको हतियार नेपाली जनतासंग लडन ल्याएको बताउनु भयो । नेपाली सेनालाई भारतको हतियारबाट चीन र भारतसंग लडन चाहिएको नभएर जनताका विरुद्ध ल्याउन खोजिएको अध्यक्ष प्रचण्डको भनाई थियो । संविधानसभा विघटन भए राष्ट्रपति रहने हल्ला हावामा तीर चलाउने योजना अर्न्तर्गत फैलाउन खोजिएको अध्यक्ष प्रचण्डले प्रस्ट पार्नु भयो । माओवादीलाई घेरा हाल्दै संविधानसभा भंग गराउने षडयन्त्र गर्नेहरुका विरुद्ध सबै देशभक्तहरु एकजुट हुनु पर्ने अध्यक्ष प्रचण्डले आहृवान गर्नुभयो । चौथौ चरणको आन्दोलन भण्डार पुष १० देखि माघ १०गते सम्म हुने र यसमा सबै देशभक्तले सोच्ने बेला आएको बताउनु भयो । माघ १० गतेदेखि अनिश्चितकालीन आम हडताल हुने अध्यक्ष प्रचण्डको चेतावनी थियो ।