राजनीतिक गतिरोध अन्त्य गर्ने विषयमा सत्तारुढ प्रमुख दर्ुइ घटक नेपाली कांग्रेस र नेकपा एमालेका शिर्षनेताहरुबीच भेटवार्ता भएको छ ।

कांग्रेस सभापति गिरिजाप्रसाद कोइराला र एमाले अध्यक्ष झलनाथ खनालबीच शनिबार कोइराला निवास महाराजगञ्जमा भएको भेटवार्तामा माओवादी आन्दोलनले अराजकता निम्त्याउने र दलहरुबीचको सम्बन्ध ब्रि्रदै जाने भएकाले माओवादी नेतृत्वसँग छलफल गरी समस्याको निकास खोज्ने सहमति भएको छ । भेटवार्तामा सभापति कोइरालाले राजनीतिक गतिरोधले कुनै दलको पनि हित नहुने भन्दै माओवादीसँग छलफल गरेर राजनीतिक निकास खोज्न एमाले अध्यक्ष खनाललाई आग्रह गर्नुभएको छ । भेटमा सभापति कोइरालाले शुक्रबार माओवादी अध्यक्ष प्रचण्डसँगको भेटमा भएका सहमतिका बारेमा जानकारी दिनुभएको एमाले अध्यक्ष खनालले बताउनुभयो । अध्यक्ष खनालले भेटबार्तामा माओवादीले घोषणा गरेको आन्दोलन फिर्ता गर्राई मुलुकलाई मुढभेडबाट जोगाउन माओवादीलाई आग्रह गर्ने सहमति समेत भएको जानकारी दिनुभयो । भेटमा सहभागी नेपाली कांग्रेसका केन्द्रीय सदस्य कृष्णप्रसाद सिटौलाले माओवादी आन्दोलनले अराजकता निम्त्याउने र दलहरुबीचको दुरी झन् बढ्दै जाने भएकाले माओवादी नेतृत्वसँग समस्याको निकास खोज्नुपर्ने सभापति कोइरालाको अडान रहेको जानकारी दिनुभएको छ । उहाँले कार्यदलमा भएका सहमतिका विषयलाई शीर्ष दलका नेतृत्व पंक्तिमाझ प्रतिवद्धताका लागी गृहकार्य अघि बढाउन अध्यक्ष खनाललाई जोड दिनुभएको सदस्य सिटौलाले बताउनुभयो । अध्यक्ष खनाल र सभापति कोईरालाबीच भेटबार्ता पछि शीर्ष नेतृत्वसँग सहमतिको प्रयास सुरु हुने संकेत देखिएको छ ।