चीनले नेपाली सेनालाई २ करोड ८० लाख युआन बराबरको सहयोग गर्ने भएको छ । चिनियाँ रक्षा मन्त्रालयका तर्फाट जिया जाइकोलिङको नेतृत्वमा नेपाल भ्रमणमा आएको छ सदस्यीय चिनियाँ सैनिक टोलीले बुधबार रक्षामन्त्री विद्या भण्डारी र रक्षा सचिव नवीनकुमार घिमिरेसंगको भेटमा उक्त सहयोगको जानकारी दिएको छ ।

भेटमा तत्कालीन रक्षामन्त्री रामबहादुर थापाको चीन भ्रमणमा क्रममा चीन सरकारले गर्ने भनेको १० करोड युआन सहयोगको प्रतिवद्धतालाई एक महिनाभित्र कार्यान्वयन गर्ने आश्वासन चिनियाँ टोलीले दिएको छ । रक्षामन्त्रीसंगको भेटमा चिनियाँ टोलीले २ करोड युआन बराबरको नेपाली सेनाको आवश्यकता अनुसार उपकरण तथा नेपाल चीन सीमा क्षेत्रको नेपाली भुभागमा मैत्री भवन बनाउन ८० लाख युआन सहयोग गर्ने प्रस्ताव गरेको छ । भेटघाटका क्रममा रक्षामन्त्री भर्डर्ााले सैनिक अस्पतालको विस्तारका लागि सहयोग गर्न प्रस्ताव गर्नुभएको थियो ।