विश्वसमुदायलाई हिमालय बचाउको सन्देश हिमालय बचाउ भन्ने नारा सहित जलवायु परिवर्तनको असरबारे विश्वको ध्यान आकृष्ट गर्न सगरमाथा आधार सिविरमा ऐतिहासिक मन्त्रिपरिषदको बैठक सम्पन्न भएको छ ।

५ हजार २ सय ४२ मिटरको उचाइमा सगरमाथा आधारसिबिर कालापत्थरमा भएको बैठकमा प्रधानमन्त्री सहित २३ जना मन्त्री बैठकमा सहभागी थिए । त्यसैगरी  विशेषज्ञ र पत्रकारसहित करिव १ सय जनाको टोली सोलुखुम्बुको स्याङबोचे, नाम्चे र लुक्लामा  पुगेका थिए ।
हिमालय बचाउ भन्ने नारा सहित जलवायु परिवर्तनको असरबारे विश्वको ध्यान आकृष्ट गर्न नेपाल सरकारले यस्तो बैठक आयोजन गरेको हो । सगरमाथा आधारसिबिर कालापत्थरमा झण्डै आधा घण्टा मन्त्रिपरिषद बैठक बसेको हो ।  बैठकका एजेण्डा स्याङ्बोचेमा पत्रकार सम्मेलन मार्फ र्सार्वजनीक गरीएको छ । मन्त्रिपरिषद्को बैठकले कोपनहेगनमा हुने जलवायु परिवर्तनको अन्तरष्ट्रिय सम्मेलनका लागि एजेण्डा तय गरेको छ भने नेपालको स्थितिपत्र पनि तयार पारेको छ । त्यसैगरी बांके राष्ट्रिय निकुन्ज, गौरी शंकर संरक्षित क्षेत्र र आपिनापा संरक्षित क्षेत्र घोषणा गरेको छ । स्वास्थ्यका कारण रक्षामन्त्री विद्या भण्डारी र विज्ञान तथा प्रविधिमन्त्री गएनन् भने स्वास्थ्यमन्त्री उमाकान्त चौधरी र आपर्ूर्तिमन्त्री राजेन्द्र महतो विदेशमा रहेकाले बैठकमा सहभागी हुन पाएनन् । बिहीबार विशेषज्ञको टोली स्याङ्बाचेमा र पत्रकाहरुको टोली स्याङ्बाचेबाट झरेर बासोबास स्थानकालागी नाम्चे बजारमा झरेको थियो । आज प्रधानमन्त्रीसहितको मन्त्रीहरुको टोली लुक्लाबाट स्याङ्बोचे पुगेर स्वास्थ्य परीक्षण गराएपछि सगरमाथा आधारसिबिर कालापत्थरमा मन्त्रिपरिषद् बैठक बसेको हो ।  सहभागी सबैलाई नाक र मुख छोप्नेगरी अक्सिजन मास्क लगाएपछि हेलिकप्टरबाट कालापत्थर पुर्‍याइएको थियो ।