Nepali TV: उपप्रधानमन्त्रीद्धारा जनमतसंग्रह माग

उपप्रधानमन्त्रीद्धारा
जनमतसंग्रह माग
================================================================================
Matrika Poudel on 02/01/2010 08:58:00
 
रिपोर्टर्स क्लब नेपालको
साक्षात्कारका कार्यक्रममा
उपप्रधानमन्त्री कोइरालाले
जनता मुलुकमा कस्तो खालको
संघीयता चाहन्छन् भन्ने कुरा
चार, पाँचजना नेता या दुइ
तीनओटा पार्टीले गरेर नहुने
बताउनुभयो ।
' आफू एकीकृत र अखण्ड नेपालको
पक्षमा रहेको बताउँदै उहाँले
मुलुक नै विखण्डन हुने अवस्था
आउन दिनुनहुने स्पष्ट
पार्नुभयो ।
उहाँले मुलुक संघीयतामा
जानेनै हो भने पनि उत्तर-दक्षिण
मिलाएर तीनदेखि पाँच गणराज्य
बनाउनुपर्ने धारणा राख्नुभयो
। संघीयताबारे जनमत
संग्रहसम्बन्धी प्रस्ताव
कांग्रेस सभापति गिरिजाप्रसाद
कोइरालाको हो कि तपाईंको हो
भन्ने सञ्चारकर्मीको पटक
पटकको प्रश्नमा उहाँले
भन्नुभयो- यो मेरो व्यक्तिगत
धारणा हो । कांग्रेसले
संविधानसभामा बुझाएको १६ वटा
राज्य प्रस्तावमा समेत आफ्नो
असहमति रहेको उहाँले
बताउनुभयो ।  उहाँले जनमत
संग्रह गरेर पनि नयाँ संविधान
१४ जेठ २०६७ भित्रै जारी गर्न
सकिने धारणा राख्नुभयो ।
कार्यक्रममा उहाँले निकट
भविष्यमै भारतीय विदेशमन्त्री
नेपाल आउन लागेको र उहाँसँग पनि
शान्ति र संविधानकै बारेमा
छलफल हुने जानकारी दिनुभयो ।