हुम्लाको सिमिकोटमा दुई पक्षबीच झडप भएपछि स्थानीय प्रशासनले कफ्र्यु आदेश जारी गरेको छ । सिमिकोटस्थित मानसरोवर उच्चमाध्यामिक विद्यालयको व्यवस्थापन समिति गठन गर्ने विषयमा विवाद भएपछि प्रशासनले अनिश्चितकालका लागि कर्फ्यु जारी गरेको हो । चार दिनदेखि व्यवस्थापन समिति गठन गर्ने प्रयास भएपनि राजनीतिक दलहरूको भागबण्डा मिल्न नसक्दा झडप हुदै आएको छ ।

संबिधानका विवादीत बिषयमा प्रमुख तीन दल र मधेसी मोर्चाबीच सहमति,  एमाले पनि सरकारमा सहभागी । लामो विवाद, बहस, छलफल र असहमतिपछि प्रमुख दलहरु संबिधानका मुख्य विवादीत बिषयमा सहमतिमा पुगेका छन् । प्रधानमन्त्री निवास बालुवाटारमा आज भएको एकीकृत नेकपा माओवादी, एमाले, कांग्रेस र मधेसी मोर्चाको बैठकमा राज्य पुर्नसंरचनाका बिषयमा सहमति जुटेपछि संविधान लेखनका विवादित बिषय टुंगिएको हो ।

बाग्मती किनारमा भत्काइएको सुकुम्बासी बस्ती प्रधानमन्त्रीबाट अनुगमन, सुकुम्बासीलार्इ अस्थायी रूपमा चोभारमा स्थानान्तरण गर्ने आश्वासन । प्रधानमन्त्री डाक्टर बाबुराम भट्‍टराइले नदी किनारमा बसोबास गर्दै आएका सुकुम्बासीलाइ सरकारले तत्काल अस्थायी रूपमा चोभारमा स्थानान्तरण गर्ने आश्वासन दिनुभएको छ । बाग्मती किनारमा सरकारले भत्काएको सुकुम्बासी बस्ती अनुगमनका लागि पुग्नुभएका प्रधानमन्त्री भट्‍टराइले बैकल्पिक व्यवस्था भएपछि मात्र बस्ती हटाउने सरकारको निर्णय भएपनि केही त्रुटी भएको स्वीकार गर्नुभयो ।

सरकार र सुदूरपश्चिमेली टोलीबीचको वार्ता बिनानिष्कर्ष टुंगियो, आज फेरि वार्ता हुने, लगातारको बन्दले सुदूरपश्चिमको जनजीवन कष्टकर । अखण्ड सुदूरपश्चिमको माग गर्दै १७ दिनदेखि बन्द गर्दै आएका आन्दोलनकारी र सरकारबीच आज फेरि वार्ता हुने भएको छ । यसअघि, हिजो भएको वार्ता निष्कर्ष विहीन भएको थियो । शान्ति मन्त्रालयमा भएको वार्तामा सरकारी वार्ता टोलीले राज्यपुनर्संरचनाको त्रmममा रहेकाले मागबारे तत्काल केही गर्न नसकिने धारणा राखेको थियो । सरकारी वार्ता टोलीले शीर्ष नेतासँगको छलफलमा यस विषयबारे टुंग्याउने भन्दै आन्दोलन रोक्न आग्रह गरेको थियो । तर, आन्दोलनकारीले भने सरकारी वार्ता टोली जातीय सद्‍भावको उपेक्षा गरी प्रस्तुत भएको भन्दै आन्दोलन जारी राख्ने धारणा राखेको थियो । वार्तामा सुदूरपश्चिमबाट आएका २५ जना सहभागी थिए । उनीहरूलाइ सरकारले शुक्रबार जहाज चार्टर गरेर राजधानी ल्याएको हो ।

राष्टि्य अखण्डताका लागि जातीय सद्‍भाव संयुक्त संघर्ष समितिले गरेको नेपाल बन्द फिर्ता, जनजीवन सामान्य हुदै । राष्टि्य अखण्डताका लागि जातीय सद्‍भाव संयुक्त संघर्ष समितिले आव्हान गरेको नेपाल बन्द फिर्ता भएको छ । रसमितिले काठमाडौमा आज पत्रकार सम्मेलन गरी किरात राइ समुदायको महत्वपूर्ण पर्व साकेलालाइ मध्यनजर गर्दै बन्द फिर्ता लिएको जानकारी गराएको हो ।

इन्डोनेशियामा सम्पर्कविहीन भएको रसियन विमान दुर्घटनाग्रस्त अवस्थामा फेला, क्षतिको विस्तृत विवरण आउन बाकी । इन्डोनेशियामा हिजोबाट सम्पर्कविहीन रहेको रसियन विमान दुर्घटनाग्रस्त अवस्थामा फेला परेको छ ।

मधेशी मोर्चाले स्वायत्त मधेश प्रदेशको मागमा अडान कायमै राख्ने, तराइको भू(भाग अन्यत्र नमिसाउन अन्य दललाइ आग्रह ।संयुत्त लोकतान्त्रिक मधेशी मोर्चाले स्वायत्त मधेश प्रदेशको मागमा आफ्‍नो अडान कायमै राख्ने भएको छ ।  

थापाथली स्थित बाग्मती नदि किनार अतिक्रमण गरेर बसेकाहरुलाइ हटाइयो, सुकुम्बासीको नाममा बसेकाहरुबाट प्रहरीमाथि ढुंगा प्रहार ।अधिकार सम्पन्न एकिकृत वाग्मती सम्भयता समितिले थापाथली स्थित वाग्मती नदिको किनारमा रहेको सुकुम्वासी बस्ती हटाएको छ ।